New Events

وزیرِ اعلیٰ خیبر پختونخوا کے نوجوانوں کے لیے وژن اور سیکریٹری اسپورٹس اینڈ یوتھ افیئرز و ڈائریکٹر یوتھ افیئرز کی قیادت میں یوتھ افیئرز ڈائریکٹوریٹ کی جانب سے ایک روزہ “یوتھ لیڈرشپ کانفرنس و کیپیسیٹی بلڈنگ ورکشاپ” کا انعقاد کیا گیا۔

اس پروگرام میں سول سوسائٹی، نوجوان رہنماؤں اور مختلف شعبہ جات زندگی سے تعلق رکھنے والے افراد نے بھرپور شرکت کی۔ کانفرنس میں نوجوانوں کی ذہنی نشوونما، قیادت، کاروباری رہنمائی، ماحولیاتی تبدیلی اور ٹریفک قوانین سے متعلق آگاہی فراہم کی گئی۔ اس دوران ٹریفک رولز کی پاسداری، ذہنی صحت اور اسٹریس مینجمنٹ، ماحولیاتی ذمہ داری، لیڈرشپ اسکلز کی ترقی اور چھوٹے کاروبار کے آغاز جیسے موضوعات پر سیشنز منعقد کیے گئے۔ شرکاء کے لیے سوال و جواب کا خصوصی سیشن بھی رکھا گیا، جس میں انہوں نے اپنے سوالات اور تجاویز پیش کیں۔

بیان میں مزید کہا گیا کہ اس نوعیت کی سرگرمیاں نوجوانوں کو بااختیار بنانے، ان میں سماجی شعور اجاگر کرنے اور انہیں عملی زندگی میں قیادت کا کردار ادا کرنے کے قابل بنانے کے لیے نہایت اہم ہیں۔ ترجمان کا کہنا تھا کہ وزیرِ اعلیٰ خیبر پختونخوا کے وژن کے مطابق نوجوانوں کی رہنمائی اور ترقی کے لیے ایسے پلیٹ فارمز مستقبل میں بھی فراہم کیے جاتے رہیں گے، تاکہ نوجوان معاشرے کی بہتری اور ترقی میں مرکزی کردار ادا کرسکیں۔ ڈائریکٹوریٹ آف یوتھ افیئرز نے تمام شرکاء، سول سوسائٹی اور متعلقہ اداروں کا شکریہ ادا کرتے ہوئے کہا کہ آئندہ بھی اسی نوعیت کے مزید پروگرامز کا انعقاد کیا جائے گا۔