New Events

ڈپٹی کمشنر چارسدہ ڈاکٹر عظمت اللہ وزیر کی خصوصی ہدایت اور محکمہ اُمورِ نوجوانان چارسدہ کی زیرِ نگرانی، ضلع بھر کے مختلف تعلیمی اداروں میں طلبہ و طالبات کی رہنمائی کے لیے کیریئر کاؤنسلنگ اور گائیڈنس سیشنز کا کامیاب انعقاد کیا گیا۔ ان سیشنز کا مقصد نوجوانوں کو مستقبل کے تعلیمی اور پیشہ ورانہ فیصلوں میں درست سمت فراہم کرنا اور انہیں اپنی صلاحیتوں کے مطابق بہتر انتخاب کرنے کی ترغیب دینا تھا۔

یہ سیشنز مختلف تعلیمی اداروں میں منعقد کیے گئے جن میں شامل ہیں:

گورنمنٹ ہائر سیکنڈری اسکول مسلم آباد

گورنمنٹ ہائر سیکنڈری اسکول امبا ڈ یر

گورنمنٹ ہائر سیکنڈری اسکول بٹگرام

گورنمنٹ گرلز ڈگری کالج نمبر 1 چارسدہ

گورنمنٹ ڈگری کالج زیم

گورنمنٹ گرلز ہائر سیکنڈری اسکول شیرپاؤ

ان سیشنز میں مختلف ماہرین و ٹرینرز نے فرائض انجام دیے، جن میں یوتھ آفیسر چارسدہ جناب فہیم جان درانی، جناب سیف اللہ، جناب امتیاز علی، مس وجیہہ درانی اور مس صبیحہ شامل تھیں۔ مقررین نے طلبہ و طالبات کو مستقبل کے تعلیمی و پیشہ ورانہ انتخاب کے حوالے سے مفید رہنمائی فراہم کی۔

انہوں نے زور دیا کہ کامیابی کے لیے ضروری ہے کہ نوجوان اپنی دلچسپیوں، صلاحیتوں اور اہداف کو مدنظر رکھتے ہوئے کیریئر کا انتخاب کریں، تاکہ وہ اعتماد اور عزم کے ساتھ اپنی منزل حاصل کر سکیں۔ طلبہ و طالبات نے ان سیشنز میں بھرپور دلچسپی کا مظاہرہ کیا، سوالات کیے اور اپنے خیالات کا اظہار کیا۔

سیشنز کے اختتام پر فعال، ذہین اور درست جوابات دینے والے طلبہ و طالبات کو ڈسٹرکٹ یوتھ آفس چارسدہ کی جانب سے خصوصی کَسٹمائزڈ کپ اور تحائف پیش کیے گئے، تاکہ ان کی محنت، دلچسپی اور شرکت کو سراہا جا سکے۔

شرکاء نے محکمہ اُمورِ نوجوانان چارسدہ کا شکریہ ادا کرتے ہوئے اس امید کا اظہار کیا کہ ایسے بامقصد اور رہنمائی پر مبنی پروگرامز آئندہ بھی جاری رہیں گے، تاکہ نوجوان نسل کو بااختیار اور مستقبل کے لیے پُراعتماد بنایا جا سکے۔

یہ سلسلہ نوجوانوں کی رہنمائی، بااختیاری اور روشن مستقبل کی جانب ایک عملی قدم ہے، جس کے مثبت اثرات تعلیمی و معاشرتی سطح پر نمایاں ہوں گے۔