Social Media Links
District youth Office Charsadda celebrated Independence Day 2026
ضلعی انتظامیہ چارسدہ کی زیرِ نگرانی اور محکمہ امورِ نوجوانان چارسدہ کے زیرِ اہتمام 14 اگست یومِ آزادی کی پروقار تقریب عبدلوالی خان اسپورٹس کمپلیکس چارسدہ میں منعقد ہوئی۔
تقریب کے مہمانِ خصوصی ڈپٹی کمشنر چارسدہ فضل رحیم تھے، جبکہ ایڈیشنل ڈپٹی کمشنر مس رینہ، اسسٹنٹ کمشنرز اور مختلف محکموں کے سربراہان سمیت دیگر معزز شخصیات نے بھی شرکت کی۔
تقریب کے دوران بچوں نے ملی نغموں، ٹیبلو اور تقاریر کے ذریعے وطنِ عزیز سے محبت اور قومی جذبے کا اظہار کیا۔ اس موقع پر کیک کٹنگ کی خصوصی تقریب بھی منعقد کی گئی۔
ڈپٹی کمشنر چارسدہ فضل رحیم نے تقریب سے خطاب کرتے ہوئے یومِ آزادی کی اہمیت، قومی یکجہتی اور نوجوان نسل کے مثبت کردار پر روشنی ڈالی اور بچوں و نوجوانوں کو ملک کی ترقی میں اپنا کردار ادا کرنے کی تلقین کی۔
تقریب کے اختتام پر ڈپٹی کمشنر، ضلعی افسران اور دیگر معزز مہمانوں کی جانب سے بچوں اور شرکاء میں تحائف اور شیلڈز تقسیم کی گئیں۔ تقریب نے جشنِ آزادی کے موقع پر قومی جذبے، اتحاد اور پاکستان سے محبت کے عزم کو مزید اجاگر کیا۔
📋 Event Details
-
Event Date
14-08-2026 -
No of Audience
100 -
No of Participants
100 -
Event Venue
District Youth Office Charsadda
🖼️ Event Photos
