New Events

**سیرت النبی ﷺ کانفرنس — قرأت و نعت مقابلہ**

ڈسٹرکٹ یوتھ آفس مہمند کے زیرِ اہتمام **ڈائریکٹر یوتھ افیئرز خیبر پختونخوا جناب عباس خان آفریدی** اور **ڈپٹی کمشنر مہمند** کی ہدایات پر **جوان مرکز مہمند** میں سیرت النبی ﷺ کانفرنس کے سلسلے میں **قرأت و نعت مقابلہ** منعقد کیا گیا۔ اس روح پرور اور بابرکت تقریب کا مقصد نوجوانوں میں عشقِ رسول ﷺ، دینی و اخلاقی اقدار، قرآنِ پاک سے محبت اور اسلامی تعلیمات کو فروغ دینا تھا۔

قرأت کے مقابلے میں **پہلی پوزیشن حافظ محمد، دوسری پوزیشن حافظ احمد علی جبکہ تیسری پوزیشن حافظ عبداللہ** نے حاصل کی۔ اسی طرح نعت خوانی کے مقابلے میں **پہلی پوزیشن نعت خواں تاج محمد، دوسری پوزیشن نعت خواں اسحاق جبکہ تیسری پوزیشن نعت خواں طیب** نے حاصل کی۔

ڈسٹرکٹ یوتھ آفس مہمند کی جانب سے تمام پوزیشن ہولڈرز اور شریک نوجوانوں کو مبارکباد پیش کی گئی اور اس عزم کا اظہار کیا گیا کہ نوجوانوں کی دینی، اخلاقی، تعلیمی اور تخلیقی صلاحیتوں کو اجاگر کرنے کے لیے ایسی مثبت اور بامقصد سرگرمیوں کا سلسلہ مستقبل میں بھی جاری رکھا جائے گا۔ اس طرح کی سرگرمیاں نوجوان نسل کو اپنی اسلامی اقدار، ثقافت اور قومی ذمہ داریوں سے جوڑنے میں اہم کردار ادا کرتی ہیں۔

**ڈسٹرکٹ یوتھ آفس مہمند** نوجوانوں کی مثبت تربیت، کردار سازی اور باصلاحیت نوجوانوں کو آگے بڑھنے کے مواقع فراہم کرنے کے لیے ہر ممکن اقدامات جاری رکھے گا