New Events

5 اگست، یومِ استحصالِ کشمیر کے موقع پر ڈسٹرکٹ یوتھ آفس اپر چترال، ڈسٹرکٹ ایجوکیشن ڈیپارٹمنٹ (میل و فی میل) اور ضلعی انتظامیہ کے باہمی تعاون سے ضلع اپر چترال میں ایک پروقار تقریب کا انعقاد کیا گیا۔

یہ دن 5 اگست 2019 کے ان اقدامات کی یاد دلاتا ہے جب بھارت نے مقبوضہ جموں و کشمیر کی خصوصی آئینی حیثیت کو ختم کرتے ہوئے اس کی آئینی خودمختاری سے متعلق دفعات میں تبدیلی کی۔ اس موقع پر شرکاء نے کشمیری عوام کے ساتھ یکجہتی کا اظہار کرتے ہوئے اس بات پر زور دیا کہ مسئلۂ کشمیر کا پائیدار اور منصفانہ حل اقوامِ متحدہ کی متعلقہ قراردادوں اور کشمیری عوام کی خواہشات کے مطابق ہونا چاہیے۔

تقریب میں نوجوانوں، اساتذہ، سرکاری افسران اور مختلف شعبہ ہائے زندگی سے تعلق رکھنے والے افراد نے بھرپور شرکت کی۔ مقررین نے کشمیر کے عوام کی جدوجہد، ان کی قربانیوں اور مسئلۂ کشمیر کی تاریخی اور انسانی اہمیت پر روشنی ڈالی۔ شرکاء نے کشمیری عوام کے حقِ خود ارادیت کی حمایت کا اعادہ کرتے ہوئے امن، انصاف اور انسانی حقوق کے فروغ کے عزم کا اظہار کیا۔

تقریب کا مقصد نوجوان نسل میں مسئلۂ کشمیر کے حوالے سے شعور اجاگر کرنا، قومی یکجہتی کو فروغ دینا اور کشمیری عوام کے ساتھ اظہارِ یکجہتی کرنا تھا۔