New Events

ڈسٹرکٹ یوتھ آفس مانسہرہ نے قلب ویلفیئر فاؤنڈیشن کے اشتراک سے سرین ریزورٹ، ناران میں نویں سالانہ قلب کانفرنس کا کامیاب اور پروقار انعقاد کیا۔

اس کانفرنس کی تھیم “Explore, Connect, Change” تھی، جس کا مقصد نوجوانوں کو نئے تجربات اور مواقع دریافت کرنے، باہمی روابط کو مضبوط بنانے، اپنی صلاحیتوں کو اجاگر کرنے اور معاشرے میں مثبت تبدیلی کے لیے اپنا مؤثر کردار ادا کرنے کی ترغیب دینا تھا۔

کانفرنس کے مہمانِ خصوصی مسٹر تاج محمد خان ترند، مشیرِ وزیرِ اعلیٰ خیبر پختونخوا برائے کھیل و امورِ نوجوانان تھے، جبکہ مسٹر اکرام اللہ غازی، چیئرمین ڈیڈیک مانسہرہ سمیت دیگر معزز مہمانانِ گرامی نے بھی شرکت کی۔

ناران کے خوبصورت اور پُرفضا ماحول میں منعقد ہونے والی یہ کانفرنس نوجوانوں کے لیے سیکھنے، باہمی رابطے، ٹیم ورک، قیادت اور مثبت سوچ کے فروغ کا ایک بہترین پلیٹ فارم ثابت ہوئی۔

نوجوانوں کی بھرپور شرکت، جوش و جذبے اور مثبت توانائی نے اس کانفرنس کو ایک یادگار اور کامیاب پروگرام بنا دیا۔ یہ کانفرنس نوجوانوں کو آگے بڑھنے، ایک دوسرے سے جڑنے اور معاشرے میں مثبت تبدیلی لانے کے عزم کو مزید مضبوط کرنے کا ذریعہ بنی