New Events

ضلعی انتظامیہ اور ڈسٹرکٹ یوتھ آفس بٹگرام کے زیرِ اہتمام حجام کی دکانوں پر صحت اور صفائی کی اہمیت کے موضوع پر ایک روزہ سیمینار کا انعقاد کیا گیا، جس میں ہیلتھ اینڈ فوڈ انسپکٹر ڈاکٹر شاہد اقبال صاحب نے ٹریننگ دی۔ سیمینار کے دوران شرکاء کو اس بات پر تفصیلی بریفنگ دی گئی کہ صفائی نصف ایمان ہے اور کس طرح بہتر حفظانِ صحت کے اصولوں کو اپنا کر متعدد بیماریوں سے بچا جا سکتا ہے۔ اس موقع پر خود کو اور عوام کو متعدی بیماریوں سے محفوظ رکھنے کے لیے ضروری رہنمائی فراہم کی گئی، ساتھ ہی حجام کے آلات کو درست طریقے سے اسٹرلائز کرنے کے موثر طریقے بھی بتائے گئے۔ اس کے علاوہ، شرکاء کو ربڑ اور پلاسٹک جلانے سے پیدا ہونے والی فضائی آلودگی اور اس کے نتیجے میں جنم لینے والی صحت کی پیچیدگیوں سے بھی آگاہ کیا گیا۔ پروگرام کا اختتام اس عزم کے ساتھ ہوا کہ خدمتِ خلق کے جذبے کے تحت بٹگرام کے عوام کو ہیپاٹائٹس سی (HCV)، ہیپاٹائٹس بی (HBs)، ایچ آئی وی (HIV) اور دیگر متعدی بیماریوں سے محفوظ رکھنے کے لیے اپنی بھرپور کوششیں جاری رکھی جائیں گی۔