Events

Special Youth Kuli Kachairi at District Shangla

ڈسٹرکٹ یوتھ افیئرز شانگلہ کی جانب سے، ڈائریکٹر یوتھ افیئرز خیبر پختونخوا اور ڈپٹی کمشنر شانگلہ کی خصوصی ہدایات پر عمل درآمد کرتے ہوئے، مورخہ 27 فروری 2025ء کو سروس ڈیلیوری سنٹر بشام میں ایک خصوصی یوتھ کھلی کچہری کا انعقاد کیا گیا۔ اس اہم اجلاس میں تحصیل بشام بھر سے نوجوانوں نے بڑی تعداد میں شرکت کی اور اپنے درپیش مسائل کو اجاگر کیا۔

کھلی کچہری کا مقصد علاقے کے نوجوانوں کے مسائل کو براہ راست سننا اور ان کے فوری اور مؤثر حل کے لیے عملی اقدامات کرنا تھا۔ نوجوانوں نے تعلیمی مواقع، روزگار، کھیلوں کی سہولیات، بنیادی ڈھانچے اور دیگر اہم امور پر کھل کر گفتگو کی۔

اس تقریب کے مہمانِ خصوصی ڈپٹی کمشنر شانگلہ، جناب محمد فواد صاحب تھے، جنہوں نے نوجوانوں کے مسائل کو نہایت توجہ سے سنا اور ان کے حل کے لیے ہر ممکن تعاون کی یقین دہانی کرائی۔ انہوں نے اس موقع پر کہا کہ حکومت خیبر پختونخوا نوجوانوں کی ترقی اور بہتری کے لیے سنجیدہ اقدامات کر رہی ہے، اور ان کے مسائل کو ترجیحی بنیادوں پر حل کیا جائے گا۔

اس کھلی کچہری کا انعقاد نوجوانوں کو ایک مثبت اور بامقصد پلیٹ فارم فراہم کرنے کی ایک اہم کاوش تھی، جہاں وہ اپنی آواز حکامِ بالا تک براہ راست پہنچا سکیں اور اپنی بہتری کے لیے عملی اقدامات کے خواہاں بن سکیں۔