Moonsoon Plantation Drive 2025 at District Shangla
ڈپٹی کمشنر شانگلہ جناب محمد فواد خان صاحب اور ڈائریکٹر یوتھ افیئرز خیبر پختونخوا جناب نعمان مجاہد کی خصوصی ہدایات پر عمل کرتے ہوئے، ڈسٹرکٹ یوتھ آفیسر شانگلہ جناب فرہاد علی خان نے ضلعی انتظامیہ شانگلہ کے تعاون سے مون سون فروٹ اینڈ انڈیجینس ٹری پلانٹیشن ڈرائیو کا باقاعدہ آغاز کیا۔ اس مہم کا افتتاح ڈپٹی کمشنر محمد فواد خان کی نگرانی میں ڈی سی آفس کے کمپاؤنڈ میں پودے لگا کر کیا گیا۔
اس شجرکاری مہم کا مقصد موسمیاتی تبدیلیوں کے اثرات کو کم کرنا اور نوجوانوں میں شجرکاری کی اہمیت کو اجاگر کرنا تھا۔ مہم کے آغاز پر شانگلہ کے عوام اور خصوصاً نوجوانوں نے بھرپور جوش و خروش کا مظاہرہ کرتے ہوئے عزم کیا کہ وہ اپنے ارد گرد کے ماحول کو سرسبز بنانے کے لیے مختلف پھلدار اور مقامی درخت لگائیں گے۔
مہم کے دوسرے مرحلے کا انعقاد یونیورسٹی آف شانگلہ میں کیا گیا، جہاں طلبہ اور اساتذہ کی شمولیت کے ساتھ مختلف اقسام کے پھلدار پودے لگائے اور تقسیم کیے گئے تاکہ شجرکاری کے پیغام کو مزید عام کیا جا سکے۔
انشاء اللہ، ڈسٹرکٹ یوتھ آفیسر شانگلہ، ضلعی انتظامیہ اور شانگلہ کے نوجوانوں کے تعاون سے اس مہم کے دوران ضلع کے مختلف علاقوں میں تقریباً 300 پھلدار اور مقامی درخت لگائیں گے۔ شہریوں سے اپیل کی جاتی ہے کہ وہ اس شجرکاری مہم میں بڑھ چڑھ کر حصہ لیں اور لگائے گئے پودوں کی دیکھ بھال کو یقینی بنائیں، کیونکہ پودا لگانا ہی کافی نہیں بلکہ اس کی حفاظت بھی اتنی ہی ضروری ہے۔
ایک پودا لگائیں، ایک زندگی بچائیں – آپ بھی اس نیک عمل میں شامل ہوں۔
-
Event Date
2025-07-11 -
No of Audience
60 -
No of Participants
60 -
Event Venue
District Shangla
